Feri Aniq kena Ribut dilaut

Dari 12hb sampai 25hb Oktober, Aniq tinggal sama nini di Tuaran. sepatutnya awal dah Aniq balik tapi cuaca nda tentu, 26hb tepaksa jua Aniq sama nini ikut feri pagi pukul 8 dari kk, hari tu hujan saja nda beranti dari kemarin. Feri tu sepatutnya sampai ke labuan pukul 11 pagi. Mumy sama Dady tunggu di terminal dari pukul 11 sampai pukul 1 petang...nada jua sampai feri Aniq. Rupanya Feri Aniq kena ribut di laut, sampai ramai orang mabuk laut.sekali feri tu nda dapat teruskan perjalanan ke Labuan, terpaksa balik semula ke kk. Mumy susah hati sampai ia nangis.....dady pun nda senang hati liat mumy nangis...akhirnya mumy suruh nini bawa Aniq pegi airport, mumy belikan tiket nini sama Aniq, sudah mau check in ada lagi masalah, rupanya pasport Aniq mumy yang pigang, terpaksa lagi Dady fax salinan pasport Aniq arah orang imigresen Airport.akhirnya dapat jua masuk kapal....mumy nda nangis lagi, tapi susah hati saja.flight Aniq sepatutnya sampai labuan pukul 4.45, dady sama mumy awal dah tunggu, sekali lagi mumy susah hati kapal Aniq belum sampai-sampai, rupanya kapal nda boleh terbang pasal cuaca buruk.akhirnya sampai jua kapal Aniq pukul 5.30. Keluar dari airport mumy sama dady sudah menunggu.mumy sama dady nangis sudah jumpa Aniq. nda lagi susah hati mumy sama Dady bila dapat pigang Aniq.

Mumy susah hati tunggu Aniq belum sampai

Pintu Arrival Airport Labuan
Bila Kapal Aniq sudah sampai mumy tunggu depan pintu

Akhirnya Aniq sampai, Aniq tidur masa tu sebab penat sudah, bejalan dari awal pagi, lepas tu dalam feri berjam-jam, lepas feri naik kapal terbang lagi.
Sudah mumy peluk Aniq ia nangis, nyaman hatinya sudah dapat jumpa Aniq, nda lagi susah hati.
Sori Aniq lambat mau sampai dan susahkan hati mumy sama dady
Love you mumy and dady Mumy and dady love you too baby!!

Sudah sampai di rumah Aniq main sama dady sambil liat tv

lepas liat tv, dady tidurkan Aniq.

esok paginya, dady balik Brunei sudah, minggu depan ia datang lagi ambil Aniq, sebab mumy keja outstation minggu depan, nada mumy dapat bawa Aniq.malam ni Aniq tido sama mumy saja, dady nada.

Gambar Aniq dulu-dulu

Gambar-gambar ni dady ambil dari tepun mumy, gambar campur-campur.

Rupa Aniq klu ketawa.

ellooo Ladies....bleh kenalan

Masa shopping di Giant Rimba. Hari jadi Aniq sama dengan hari pembukaan Giant, umur Aniq baru sebulan lebih masa dady bawa ke sana.

Masa Aniq masih baby....hehehe...blum sampai seminggu

Nda Aniq ingat brapa umur Aniq masa ni

Pipi Aniq tabam tu bukan pasal berisi...bantal mumy tu himpit pipi Aniq

Dulu Aniq suka tidur macam ni, tapi sekarang kalau nda dady pigang dulu nda Aniq mau tido.

Kalau sadu mumy selalu tampal kertas di dahi, dady nda pecaya, selalu mumy marah dady kalau dady nda tampal kertas masa sadu, terpaksalah dady ikut jua.sudah basar ni jarang sudah Aniq sadu.selamat dady nda kena marah lagi.

Lambat mau tumbuh rambut Aniq ni...4 bulan sudah masih pendek

Kalau Aniq sama dady antar mumy balik labuan selalunya lepas hantar nada orang pigang Aniq, terpaksalah Aniq limpang dalam carrier, dady drive. selalu Aniq diam-diam sj lepas tu....nda Aniq mau susahkan dady drive, walaupun dady sedih lepas hantar mumy, Aniq pun sedih jua sebab mumy nada, tapi Aniq nda mau nangis, nda mau susahkan hati dady.

kalau mumy nada, macam ni lah keadaan Aniq, diam-diam saja di rumah

kalau mumy balik brunei, tu lah sj masanya Aniq bemanja sama mumy, dalam sebulan Aniq dapat jumpa mumy dalam seminggu saja, mumy Aniq ngantuklah

ok nanti lagi Aniq suruh Dady ambil gambar-gambar Aniq dari mumy, banyak lagi. lepas tu baru dady masukkan sini....byeeeee

Aniq Damam

Ni lah rupa Aniq malam hari raya pertama. ngalih Aniq kana bawa beraya sampai panas badan, tapi nda lama, malam tu sj...esuknya macam biasa sj.

mumy tampal cooler

owh sempat mumy posing rupanya

malu eh, kana close up lagi

BERAYA

Hari raya pertama pagi-pagi Aniq kerumah nini Dady di Mulaut....Aniq panggil ia apa tu ah? Aniq begambar sama kaka Mishel. Ramai orang datang bekumpul.

Mumy pun ikut begambar



Aniq sama dady

Gambar Aniq di rumah

Begambar di Studio

Sebelum hari raya, mumy sama dady bawa Aniq ke studio gambar, banyak lah gambar Aniq kena ambil masa tu, ani yang mumy pilih, belum kana edit lagi....yang kena edit, sudah masuk frame, nda dapat dady scan.

Shopping Hari Raya

28hb September, hari minggu, dady bawa Aniq shopping bali baju raya...banyak kadai Aniq liat...mumy balikan baju, kasut sama stokin baru...dady balikan mainan.

Masa Aniq sama dady tunggu mumy bali kasut, lama eh

Baru Aniq pernah liat ni...apakan ni

Aniq bawa cakap, nda ia jawap.....

Yang ani pandai jalan sendiri

Elo...napa nda cakap sama Aniq? marah kah?